కవితా పూరణం

కవితా పూరణం : 4.2.2020

దత్త పాదం " అన్నను పెండ్లియాడెను మహా మహిమాత్ములు మెచ్చగా భువిన్ "

పూరణం : 

కన్నకూతురు,ఆకాశరాజసుత,చెలులతో వాహ్యాళినందు పద్మావతి  

కన్న నతిసమీప పూదోటన్ అరుదెంచిన శ్రీనివాసునితా వలచెనట 

విన్న వివాహ సంధి కార్యములన్ పరికించి తా ప రిణయ మాడెద 

అన్నను పెండ్లియాడెను మహా మహితాత్ములు మెచ్చగా భువిన్  || 

ప్రతి పదార్థము : 

1. కన్న కూతురు = స్వంత కూతురు  

2. ఆకాశరాజ సుత = ఆకాశ రాజు పుత్రిక 

3. చెలులతో = తన చెలికత్తెలతో 

4. వాహ్యాళి నందు = విహార యాత్రలో 

5. పద్మావతి = పద్మావతి దేవి 

6. కన్న - గాంచిన (చూసిన)

7.అతి సమీపాన = చాలా దగ్గరగా 

8. పూదోటన్ = ఉపవనంలో (పూల తోటలో )

9.అరుదెంచిన = వచ్చిన (వేంచేసి యున్న )

10. శ్రీనివాసుని = వేంకటేశ్వర స్వామిని 

11. తా = తాను 

12. వలచెనట = ప్రేమించెనట(వలచివచ్చిన యువతి )

13. విన్న = విన్నటువంటి 

14. వివాహ సంధి = వివాహ రాయబారములు, పెళ్లి కార్యములు 

15. పరికించి = గమనించి (చూసి )

16. తా = తానూ ( పద్మావతి దేవి )

17. పరిణయమాడెదనని = పెళ్లిచేసుకుంటానని 

18. అన్నను = అని (చెప్పి ) 

19. పెండ్లి యాడెను = వివాహము చేసుకొనెను 

20. మహా = గొప్ప 

21. మహిమాత్ములు = మహిమ గల ఆత్మ గలవారు (శివుడు, బ్రహ్మ, నారద మొదలైన వారు )

22.భువిన్ = భువిలో ( ఇలలో )

23. మెచ్చగా = మెచ్చుకొనగా ,అభినందించగా 

భావం : కన్న కూతురైనటువంటి ఆకాశరాజపుత్రిక , తన చెలులతో వాహ్యాళి లో 

పద్మావతి దేవి చూసినట్టి (కని ) / గాంచినట్టి, అతి సమీపములో పూదోట యందు వచ్చినటువంటి శ్రీ వేంకటేశ్వర స్వామిని ,తానూ ( పద్మావతి దేవి) వలచెనట (ప్రేమించెనట ) . విన్నట్టి ఏమివిన్నట్టి అంటే వివాహ రాయబారాములు, సంధి కార్యముల సంగతి , గమనించి/ ఆలోకించి తా ను ( దేవి) పెళ్లిచేసుకుంటానని 

అన్నను (అన్నప్పటికీ ) చెప్పినప్పటికీ పెండ్లియాడెను .ఎలాగంటే గొప్ప మహిమ గల ఆత్మగలవారు అంటే ( ఇతర దేవతలు అంటే బ్రహ్మ, శివుడు, నారదుడు మొదలైన వారు). మెచ్చుకొనగా/ అభినందించగా . - ఇలలో పద్మావతి దేవి - శ్రీ వేంకటేశ్వర స్వామి వారి పరిణయము చాలా ఘనంగా జరిగెనని భావము. .