కుందనపు బొమ్మ

ప౹౹

కుందనపు బొమ్మగ కనిపించినది నీవేనా

అందమైన మైనాగా ఆకర్షించినది నీవేనా ౹2౹

చ౹౹

అనుకోకుండనే జరిగిందీ ఆవైపు వీక్షణం

అనేకమైన ఆలోచనలే మదిలోన తక్షణం ౹2౹

మనసంత సుందర మందిరం మరులతో

సొగసంత సమీరమై వీచే వింజామరలతో ౹ప౹

చ౹౹

ఎదురుగా నిలిచి ఎదతోనే పిలుపే పిలిచి

బదలుగా పలుకలేని మూగత్వమే వలచి ౹2౹

ముసిమి మిగుల చేరి ముదం తానే పెంచి

పసిమిబంగారపు సోయుగంతో మరిపించి ౹ప౹

చ౹౹

కలలోను కనులలోనూ కళకళలతో నిలిచి

తలలో యోచనల తన్మయత్వము అలిసి ౹2౹

లేఖా కావ్యంగా లేఖనీయమైనే ఆ సొగసు

లేఖాహారునికి అర్పణచేయలేవా మనసు ౹ప౹