క్షణములేదు
క్షణములేదు
నినుతలవని క్షణములేదు - వేదనగా గడిపినాను
నినుమరవని తలపులతో - శూన్యముగా గడిపినాను
నీ వూసులు మోసులెత్త- ఆత్రముగా వేచియుంటి
గుండెగుడియె తెరచినాను- నిరాశగా గడిపినాను
మధురోహలు యెదనురేగ- మౌనముగా నేనుండీ
నీవుండని సమయమేను - విరాగిగా గడిపినాను
శిశిరములే శరములుగా - మారినన్ను సంధించగ
వసంతమే ఎదురవునని- మోదముగా గడిపినాను
గగనమంటె గానముతో - కైమోడుపు చేసె
ప్రణయాలే వ్రణములుగా-బాధించగ గడిపినాను
