కనుగొన్నానులే

ప౹౹

కనుగొన్నానులే కళ్ళలో ఏదో కమనీయం

తెలుసుకున్నాలే మనసులో మహనీయం ౹2౹

చ౹౹

అనుకోకుండా కలిగిందిగా ఆ అనుభూతి

చెప్పకుండా మది ఇచ్చుకున్న అనుమతి ౹2౹

లోలకంలా తిరిగే ఊహలన్నీ రెక్కలిప్పగా

వాలకం తెలిసి వాకిటిలో వాలినే కుప్పగా ౹ప౹

చ౹౹

కలిసే ఎదలోనా కానరానిది ఆ కలవరమే

వలచే వలపూ వదలని కలకు సుందరమే ౹2౹

మాటే వినని మరులు మారాము చేయగ

సాటే రాని సౌందర్యం సరసమై విచ్చేయగ ౹ప౹

చ౹౹

హృదయమంతా ఉప్పెనై పొంగినే తలపూ

ఉదయ రాగమూ ఉధ్బవించే లేక అలపూ ౹2౹

తరుణమొచ్చే తన్మయమే పెంచి ఎడదలో

కారణమైన ప్రేమనే కనిపించనీ పైయ్యెదలో ౹ప౹