కన్నీటి విలువ

చెక్కిట జారిన కన్నీళ్ళు 

ఘనీభవించిన మాటలకు ఆనవాళ్లు

మానసిక సంఘర్షణకు ప్రతిరూపాలు

అనంతమైన వేదనకు నిదర్శనాలు

ద్రవించు మదికి సాక్ష్యాలు

అలాంటి కన్నీటికి విలువ కట్టగలమా

ఆ కన్నీటి విలువ కేవలం

తడిసిన తలగడకే తెలుసు 

చెలిమి చేసిన చీకటి కే తెలుసు

ఘనీభవించిన మనసుకే తెలుసు

తడియారని చెంపలచారికలకే తెలుసు

గండి పడిన గుండెకే తెలుసు

తేటపడిన నయనాలకే తెలుసు

తేలికపడిన మదిగదికే తెలుసు

విలువైన ఆ కన్నీటిని మోసే

నాకు కాక ఇంకెవరికి తెలుసు

ఉప్పెనలా పొంగే 

ఆ ఉప్పు నీటి విలువ

కష్టసుఖాలలో తోడుగా వుండే

ఆ కన్నీటి విలువ