జ్ఞాపకాల తుఫాన్

జ్ఞాపకాల తుఫానెంత..అద్భుతమో చెలియా..! 

ఒక సాక్షిగ బ్రతుకుటెంత..విశేషమో చెలియా..! 

బాధకన్న బహుమానం..ఉండదనే తెలిసెను.. 

వెర్రి ప్రేమ యోగమెంత..విషాదమో చెలియా..! 

రాచిలుకల రాణిలాగ..ఎగిరిపోతి వెచటికి.. 

ఈవియోగ రాగమెంత..దారుణమో చెలియా..! 

ఎవరితోటి పంచుకోను..మాటలేమి చాలును.. 

మౌనాక్షర సంద్రమెంత..అమోఘమో చెలియా..! 

ఏపూవులు సరితూగును..నీ పూజను సేయగ.. 

నీ పవిత్ర హాసమెంత..మోహనమో చెలియా..!