జ్ఞానపదం

ప౹౹

బాల్యమంతా గడిచెనే విని అమ్మమ్మ కథలు

కల్యమంతా మదిలో ఆ ఊసే మళ్ళీ మెదలు ౹2౹

చ౹౹

రామాయణ భారతాలూ రంగరించి రంజుగా

ప్రేమాయణ పురాణాలే వివరించు తరచుగా ౹2౹

కావ్యమైనా కమనీయముగా వినుపించుగా

శ్రావ్రమైన స్వరముతో రాగమే ఆలపించుగా ౹ప౹

చ౹౹

అందమైన ఓ దీవిలో అందాలొలికే సుందరి

అందులోనే రాక్షసుడూ నివసించు ముందరే ౹2౹

వాడి దుష్కార్యాలు రూపుమాపుగ యువతి

తోడికొని ఒక నాయకుడిని తనతో ఆ వలతి ౹ప౹

చ౹౹

ఆ జానపదాలు జనపదాలుగా తలపించునే

ఏ జ్ఞానపదమైన కథ రూపంలో ఆలకించునే ౹2౹

ఎదలో నిలిచినే నీతి వాక్యాలు కథలుగానూ

ఎడద నుండి తరలు తలచిన గాధలుగానూ ౹ప౹