జంగమా.. లింగమా..
జంగమా.. లింగమా..
భక్తికి వశమై తిన్నడి బంటువైన శ్రీకాళహస్తి లింగమా
భక్త మార్కండేయుని ఆయువు కాచిన మంత్రమా
భక్తురాలైన కరైక్కాల్ అమ్మయ్యార్ ని అమ్మా అని పిలిచి మురిసే కైలాస లింగమా
భక్త సిరియాళుని ఆనందమా
భక్తులతో ఆటలాడుతావు
వారు అడిగితే కాళ్ళు నెత్తిన పెట్టుకుంటావు
మేలు సామివి జంగమా
అట్టి నిన్ను ఏమని కోరాలి
శివభక్తి తప్ప ఇంకేమి అడగగలను
శివభక్త విజయములు రచించి భజించి
నిన్ను చేరి తరించు మార్గము తప్ప ఇంకేమి కోరగలను
హర హర మహాదేవా అంటూ
నిన్ను చేరనీయవయ్యా శ్రీకాళహస్తీశ్వరా!