జీవన తరంగాలు

అలుపెరగని అంతరంగాలే 
ఈ జీవనతరంగాలు -
ఈ అనంత సాగరంలో సుడిగుండాలను,
అంతుబట్టని సునామీలను దాటి 
ముందుకు సాగటమే జీవితం

ఈ జీవిత చదరంగంలో నేర్చుకోని 
పాఠాలు యమపాశాలై గుణపాఠాలుగా 
గుచ్చుతుంటాయి ;వెంటాడి వేటాడి 
మరీ బోధిస్తుంటాయి ;
ఏది ఏమైనా ప్రయాణం ఆగదుగా,
ఈ గొలుసు కధ తప్పదుగా!
అనేక అనేక కధల మిళితమే 
కదా ఎందరికో జీవనతరంగాలు

మనిషి జీవితచదరంగంలొ ఎత్తు పల్లాలు,
వ్యధల తాకిడి ఎంత ఉన్నా; ఆ సముద్రపు హోరులో,
అలల తాకిడిలో ఎదురీది ముందుకు 
పోవడం తప్ప మరేది గత్యంతరం!

గత చరితను తలుచుకుంటూ వర్తమానాన్ని 
నిర్దేశిస్తూ అగోచరమైన రేపటి గమ్యానికి
ఎగిసే అలలా సాగిపోవాల్సిందే