రేపు

అందరినీ ప్రేమ గా పలుకరించు
మళ్లీ ఈ దారిన వస్తావో రావో

అందరినీ నవ్వుతూ పలకరించు
మళ్లీ రేపుదయం చూస్తావో లేదో 

ఈ రోజే ఆనందం గా జీవించు
మళ్లీ వికసించిన ఆ పూలను
ఆ పసిపాప నవ్వును ఆస్వాదిస్తావో లేదో

ఈ రోజు మట్టి పైన
రేపటి రోజు మట్టి కింద

ఇది బుడగ వంటి బతుకు
ఒకే ఒక చిటికె లోన చితుకు

బతికున్నప్పుడే కాదు
చనిపోయిన తర్వాత కూడా
బతకాలంటే
ఇపుడు
దీపంలా వెలుగు
ఒక దీపమైనా వెలిగించు...