మిడిసిపాటు

కండువాకు ఉందెక్కడ..నీకెందుకు మిడిసిపాటు..!?
ఏ కుర్చీ ఎన్నాళ్ళట..తోడెందుకు మిడిసిపాటు..!?

పాత్రోచిత ధర్మమెవరు..నేర్పగలరు ఎవరికైన..
ఎగిరిపడే అలకుందా..ఎదకెందుకు మిడిసిపాటు..!?

దేనినైన వదిలించే..నిప్పున్నది తలపుమాటు.. 
జీవితమే నాటకమే..అసలెందుకు మిడిసిపాటు..!?

చినుకుతేనె లూరించే..పూలగాలి ఏమనునోయ్..
ఏ చెట్టున పండేనట..ఇకనెందుకు మిడిసిపాటు..!?

ఏ మేఘం ధరించింది..అహంకార కిరీటాన్ని..
ఏ కిరణపు నేస్తమంట..జట్టెందుకు మిడిసిపాటు..!?

ఎవరు నీవు ఎవరు నేను..సాక్షిలాగ మిగిలిరెవరు..
విర్రవీగు మనసదేల..బరువెందుకు మిడిసిపాటు..!?