జగమంతా...

పదము కదిలితే పథము సాగెనే

మెలిక తిరిగితే మలుపు కలిగెనే

కనుల కొలనులో కలలే కలువలాయెనే

కన్నీటి రుచిని సంద్రాలు కోరి పొందెనే

ఆడుతున్న తనువంతా

నటనమాడుతున్న తపనేనా

జగడమాడుతున్న జగమంతా

నీ కాలి మువ్వ సాటి కాదననా

తాళమే సాగుతుంటే

అడుగు లయగా మారేనే.

భూగోళమే కదులుతుంటే

నటరాజు తాండవమాడేనా

నయన కొనల కాటుకలు

కరిగి కన్నీటి చారికలయ్యేనా

ముసురుకున్న మబ్బులన్నీ చూసి

మయూరమే నాట్యమాడెనా...