జారుతున్న వాననీరు
జారుతున్న వాననీరు
1 min
327
రేకుల షెడ్డు మీద నుంచి
పూరిల్లు చూరు నుంచి
బాదం చెట్టు ఆకు మీద నుంచి
వాన నీరు జారుతోంది
చెలి శిరోజాల పైనుంచి
చామంతి పూల పైనుంచి
విమానపు రెక్కల పైనుంచి
వాన నీరు జారుతోంది
శివుని జటాజూటము నుంచి
గంగమ్మ పొంగింది
పుడమి తల్లిని తడిపి
సిరుల పంటలు పండించ
వాన నీరు నేల మీదకు జారుతోంది
జారుతున్న వాన నీరు
కవికి ఎన్నో రచనల్ని బహుమతి ఇస్తోంది