🌹 జాబిలి - వెన్నెల🌹

🌹జాబిలి -వెన్నెల🌹

రచన :- అంజనీ గాయత్రి.

 వేలతారలు ఉన్నా , చూసేందుకు వేయి కన్నులు ఉన్నా ,

 నిశిరాతిరిలో కూడా చల్లదనాన్ని చిమ్ముతూ,

 వెలుగులు పంచుతూ,

 నీ నిండైన రూపంతో కనువిందు చేస్తావు,

 పడుచుజంట మదిలో మరులు గొలుపుతావు ,

 మదిని నింపుతావు,

 ఆకాశ వీధిలో నీ సోయగాన్ని ప్రకాశింపచేస్తూ, హృదయాన్ని పరవశింప చేస్తావు, ఓ నిండు జాబిలి!!

 నిండు పున్నమిలో నింగిలో నెలవంక వెదజల్లే వెలుగులే "వెన్నెల " ,

 ఆ వెన్నెల వెలుగులో రారాజులా నెలరాజు, తారకలతో కలిసి నింగిని ఏలుతూ మనల్ని మురిపిస్తాడు,

 తన అందచందాలతో వెలుగు జిలుగులతో నింగినుండి నేలదాకా

 వెన్నెలను కురిపిస్తాడు, వసంతాలు పూయిస్తాడు, ఇంద్రుడు లాంటి చంద్రుడు! ఓ వెన్నెల!ఓ నిండు జాబిలి !!