ఈ వలపుల దారాలే

ఈ వలపుల దారాలే..బంధించుట బాగున్నది..!

ఈ మనస్సు ఖాళీగా..ఊరేగుట బాగున్నది..!

విరహమిలా ఏకాంతపు..పరిమళమై మత్తుజల్లె.. 

కలలవీణ రాగసుధలు..మేల్కొల్పుట బాగున్నది..!

పగలైనా రేయైనా..ఒకేతీరు ఉన్నదిపుడు..

రేపటిపై గొప్ప ఆశ..ఊరించుట బాగున్నది..!

నీవెవరో నేనెవరో..కలిసి ఒక్కటైనామా..

పూలపడవ పాలనదిలొ..పయనించుట బాగున్నది..!

ఈ ఊహా క్షేత్రానికి..నీ ప్రేమయె తొలిబీజం..

అక్షరాల సేద్యమిలా..కొనసాగుట బాగున్నది..!

కాలుతున్న వత్తి చూస్తు..నవ్వుకొందు లోలోనే..

చావుపుట్టుకల చక్రం..వదిలేయుట బాగున్నది..