ఈ రోజే..

ఈ రోజే రాశానూ ఒక ఉత్తరం తెలుసుకొని

నా రాజు ఏం చేస్తున్నాడో అని తలచుకొని ౹2౹

చ౹౹

మదిలోనూ మత్తు పెరిగే ఆ జ్ఞాపకంతోను

అది మొదలు చిత్రం జరిగే వ్యాపకంతోను౹2౹

కలవరించి మనసూ ఆ కలలతోనే నిండినే

కల వరించి ఆ కోరికేదో కోరినట్లూ పండినే ౹ప౹

చ౹౹

కుశలమేగా ఆశలన్నీ అదనులోనే తీర్చగా

కుశలతే కూర్పుగ ఊహల్నీ ఒకటై పేర్చగా ౹2౹

ఒకనాటి తీపి గురుతులే తీయని రాగాలై

ఆ మేటి తలపులు మిగిలే మది సరాగాలై ౹ప౹

చ౹౹

రాసుకుంటున్నా రాయంచ కులుకుతోను

నెమరేసుకుంటున్నా ఆపొద్దు అలకతోను ౹2౹

గూడుకట్టిన ప్రేమనూ గుబాళింపులతోను

నేడుపట్టిన పారవశ్యపు ఆకళింపులతోను ౹ప౹