ఈ పున్నమి

ఎప్పటికీ ఏమాత్రం..తరగనిదే ఈ పున్నమి..!

నీవు-నేను ఏకమైన..మాయనిదే ఈ పున్నమి..!

ఏ జాబిలి ఏ కడలితొ..మునిగిందో ప్రేమలోన..

మనకుగాక మరి ఎవరికి.. దక్కనిదే ఈ పున్నమి..!

ప్రేమతోటి ఎవరికైన..తప్పదులే గొడవన్నది..

ఏమైనా ఎంతైనా..తియ్యనిదే ఈ పున్నమి..! 

నా రాజులు నీవుకాగ..నారాజే కాలేనులె..

కలనైనా ఏనాటికి..కరగనిదే ఈ పున్నమి..! 

కోరికలకు అతీతమై..వెలుగుతున్న దివ్వెలమే.. 

గగనమంత మౌనంలా..వాడనిదే ఈ పున్నమి..!