ఈ చిరునవ్వు...

నీ అందమైన మనస్సులో నా మధురమైన జ్ఞాపకం ఎందుకో

మేలి ముసుగున నీ కొంటె నవ్వుతో నాపై అల్లరి ఎందుకో

అలిగిన నీ మోముపై చెప్పలేని ఈ అనురాగం ఎందుకో

నీ చిలిపి చూపుల కవ్వింతలలో నాలో

 ఈ తుళ్ళింతలు ఎందుకో

నుదుటి పైన అల్లరి చేసే ఆ ముంగురుల కులుకులు ఎందుకో

నన్ను చూడగానే నీ చూపులో తెలియని తత్తరపాటు ఎందుకో

నీ అడుగుల సవ్వడిలో నాలో మెదిలే మధురిమలు ఎందుకో

నాకై వెదికే నీ కళ్ళలో ఆ తీయని కలవరపాటు ఎందుకో

తెలిసీ తెలియని అమాయకత్వంలో నా మైమరుపు ఎందుకో

నీ ముగ్ధ మోహనరూపం నన్ను పరవశింపజేయడం ఎందుకో

నా అడుగు నీతో కలిసేటప్పుడు నాలో కలిగే గిలిగింతలు ఎందుకో  

నిన్ను తలచిన ప్రతిసారి నాపెదవులపై ఈ చిరునవ్వు ఎందుకో.......