ఇదేం మాయ శివయ్య
ఇదేం మాయ శివయ్య
అనంతం అద్భుతం
నా తరమా నిను వర్ణించడం
అమోఘం అతి మధురం
కాలాతీతం కారణజన్మం
ఇది ఏం మాయ శివయ్య
నీ మాయలో పడేసావయ్యా.
నే ఆపలేని దుఃఖాన్ని
నీ స్పర్శ అనుభూతి కలిగించి
నా కన్నీరు తుడిచి
నీ అక్కున చేర్చుకున్నావు.
ఇదేం మాయ శివయ్య
నీ మాయలో పడేసావయ్యా..
గుండె తెగిన వాగులా
కన్నీటి అభిషేకం చేస్తే
పన్నీరు కురిపించి
కార్తీక పౌర్ణిమి వెన్నెలలో
పల్లకి మోయించావు
నీ పాటలు పాడించావు
ఇదేం మాయ శివయ్య
నీ మాయలో పడేసావయ్య .
ఆనంద డోలికలు
నా సొంతం చేసిన నీకు
ఏమి ఇవ్వగలను
నా దేహ భస్మంతో అభిషేకం తప్ప
నా జీవం నిన్ను చేరే మార్గం
వెతకడం తప్ప
ఇదేం మాయ శివయ్య
నీ మాయలో పడేసావయ్యా..