హయికదా

కోపానికి కోపమింక వస్తేనే హాయి కదా..!

తాపానికి తాపమింక పుడితేనే హాయి కదా..!

మేఘమాల రాగాలకు..మురిసేనుగ ఈ పుడమియె..!

స్వప్నానికి స్వప్నమింక..తడితేనే హాయి కదా..!

ఊరేగే శ్వాసలలో..వెలుగుఊయలున్నదిగా..!

అద్దానికి అద్దమింక..పడితేనే హాయి కదా..!

హంసయాన దారులలో..మెరుపు తోటలున్నవిలే..!

చిత్తానికి చిత్తమింక..పెడితేనే హాయి కదా..!

తలపు పూల విత్తనాలు..పలకరించు తీరు చూడు..!

బీజానికి బీజమింక..విడితేనే హాయి కదా..!