హృదయ వీణ

మ్రోగుతున్న హృదయవీణ..తంత్రులలో ఉందేమో..!

లాలించే ప్రణయవేణు..రవములలో ఉందేమో..!

ప్రేమకు ఒక రూపమేదొ..ఇవ్వాలను ముచ్చటేల..

అక్షరాల గుండెలయల..పరుగులలో ఉందేమో..!

నీవు-నేను ఏకమైన..సంబరమే ఏకాంతము..

ఆ వెన్నెల సోయగాల..తరువులలో ఉందేమో..!

నిజమన్నది దాగున్నది..కలలగగన వీధులలో..

సరసస్వర పరిమళాల..దారులలో ఉందేమో..! 

ఇది నేనని..ఇది నాదని..పలుకగల్గు సంగతేమి..

మౌనమైన తేనెమబ్బు..చినుకులలో ఉందేమో..