హక్కుతిలకం- సుశీల రమేష్

ఆలోచన తో భారతీయులను తట్టిలేపి

తెల్లవారి గుండెల్లో కల్లోలం సృష్టించి

స్వాతంత్ర ఉద్యమాన్ని కొత్త పుంతలు 

తొక్కించి విప్లవాత్మకమైన భావాలతో

జాతీయోద్యమం ఉప్పెన లా మారేవరకు

నిరంతరం ప్రజల్ని చైతన్యవంతం చేయడంలో

ఎనలేని కృషి చేశారు మన బాల గంగాధర తిలక్

కులమతాలకతీతంగా సామాన్యులను సైతం

ఉద్యమ బాట పట్టించారు.

జాతీయతను బలంగా నాటిన ఘనుడు.

స్వాతంత్రం జన్మహక్కు సాధించి తీరుతాం

అంటూ భరతమాత నుదుటిన

స్వరాజ్య హక్కు తిలకం దిద్దిన బుద్ధి జీవి.

మనం రోజూ వింటున్న ఆత్మ నిర్భర్

మేక్ ఇన్ ఇండియాను వందేళ్ల కిందటే

ఆకాంక్షించిన దార్శనికుడు తిలక్.