గురుతులు

ప౹౹

చిన్ననాటి గురుతులు మదిలో చిగురింతలే

మొన్నే జరిగినట్లు ఎదలో అంత గిలిగింతలే ౹2౹

చ౹౹

ఎన్నని ఎంచనే బాల్య మధుర జ్ఞాపకాలుగా

కొన్నైన మిగులూ చెప్పుకొనే వ్యాపకాలుగా ౹2౹

మధుర క్షణాలు మళ్ళీ వచ్చి పలకరించేనా

ఎదురే చూసిన మనసే మరి పులకరించేనా ౹ప౹

చ౹౹

అది పచ్చని అడవితో కూడిన ఓ పేద్ద కొండ

పది ప్రాయంలో ఎక్కి లేకుండా ఎవరి అండ ౹2౹

చూపించిన తెగువ ఆ ఆనందపు సృతులూ

ఊహించని ఉల్లాసం కావా మధుర క్షణాలూ ౹ప౹

చ౹౹

చెప్పుకుంటే చేంతాడు భారతమే ఆ కధలు

చెప్పుకోకున్నా సతతం మనసులో మెదలు ౹2౹

బాధల్లేని బాల్యంలో భావాలు ఎంచ అనేకం

వాదాల్లేని బాల్యమంతా ఓ మధుర జ్ఞాపకం ౹ప౹