గుండెలయలు

గుండెలయల రాగాలను..చిలికేనా తాను..! 

పలుకలేని భావాలను..కురిసేనా తాను..!

ఎంతముద్దు గుమ్మంటే..వర్ణించగ లేను..

కనిపించక ఎదలోయల..నిండేనా తాను..!

ఏ పూవులు పరిమళించు..తనచూపుల లాగ..

మెఱుపుమల్లె తీగలాగ..చుట్టేనా తాను..!

నవమృదంగ నాదాలకు..ప్రాణం తన నవ్వు..

చూపలేని సెలయేఱై..దూకేనా తాను..!

పాలునీరు వేరుచేయు..విద్య నేర్పు జాణ..

మౌనగగన హంసనిధిని..ఏలేనా తాను..!

చిరుగాలుల సఖులకూడి..చందనాలు పంచు..

అనురాగపు పరాగాలు..పంచేనా తాను..!