ఎవరి కోసమో

సవ్వడి చేయని గుండెకి లయ ఎక్కడిది?

వెలిగించని ఒత్తుకి దీపకాంతులు ఎక్కడివి

ప్రేమించని మనసుకి వేదనవేడెలాతెలిసేది

వ్యధలేని ప్రేమకి అర్థమేలేదని ఏం చెప్పేది

ఎగసిపడని కోర్కెలసెగలో ధూపమెలాతీసేది

కవితలూ కావ్యాలు రాసి ఏం వినిపించేది

పలుకుల మధ్యన పదాలెన్నని జోడించేది

లిపికోసం వెతికితే కంటిభాషేలే కనిపించేది

ఒకరికోసం ఒకరున్నప్పుడు ఎవరికేంచెప్పేది

ప్రేమేలోకమైతే ఎవరి కోసం వేడుకలు చేసేది

ప్రాణం ప్రణయం రెండొకటని ముడి వేసింది

నీటముంచినా పాలముంచినా ఒకటేననంది

జ్ఞాపకాలతో హాయిగా కాలాన్ని సాగనివ్వంది

మరింక నన్నునేను మరచి ఎవరిని తలచేది

ఉఛ్ఛ్వాసలోని నిన్ను నిఛ్ఛ్వాసలో ఎలావీడేది!