ఎక్కడోయీ ఋతుపవనమా..
ఎక్కడోయీ ఋతుపవనమా..
మండే నిప్పుల జ్వాలల సెగలు
వేసవి తాపపు కోరలు
గోడల వేడిని తోసుకు వచ్చే ఫ్యాను గాలులు
ఉక్కిరిబిక్కిరైన మనుషులు
మొలకల పున్నమి దాటింది
వేళకు కురిసే వర్షం కోసం
రైతుల ఆరాటం పెరిగింది
వార్తాపత్రికల్లో ట్యాగ్ లైన్ కోసం
ముఖం చాటేయకు
ఓ ఋతుపవనమా
జాగు సేయక
ఖరీఫ్ పంట కోసం
వేసవి కడగండ్లు తీరడం కోసం
ఇలా రా
పయనమై ఎక్కడో
పరధ్యానంలో మరెక్కడో
అలా ఉండిపోయావా
కాస్త వేగం పెంచు
మా ఆశలపై నీళ్ళు చల్లకుండా
అమృత వర్షంలా
మాపైన కురిసి
మమ్ములను సేదదీర్చు