ఏకం - అనేకం

ఒక్కడే దేవుడు- విశ్వాలు అనేకం

ఒకటె విశ్వం -నక్షత్ర మండలాలు అనేకం

ఒక్కటే నక్షత్రమండలం - గ్రహాలు అనేకం

ఒక్కటే గ్రహం - జీవరాశులు అనేకం

ఒక్కటే జీవం - జీవ రూపాలు అనేకం

అందులో

ఒక్కడే మనిషి - మనుష్య లక్షణాలు అనేకం

ఒకటే లక్షణం - వారి లక్ష్యాలు అనేకం

ఒక్కటే లక్ష్యం - లక్ష్యం చేరే గమనాలు అనేకం

ఒకటే గమనం - గమనము కై సాగించే ఆలోచనలు అనేకం

ఒకటే ఆలోచన - కనే కలలు అనేకం

ఒకటే కల - ఊహలు అనేకం

ఒకటే ఊహ - కల్పనలు అనేకం

ఒకటే కల్పన - భావనలు అనేకం

ఒకటే భావన - అభిప్రాయాలనేకం

ఒకటె అభిప్రాయం- దానిపై అనుమానాలనేకం

ఒకటే అనుమానం- దాని వలన కలిగే సమస్యలనేకం

ఒకటే సమస్య- దానికి సమాధానాలనేకం

ఒకటే సమాధానం - ఏకమై ఉండును అనేకాలు

అనేకములు కలిసి ఆ దైవము లో ఏకమగును.