దిగులుపిట్ట

మూగదైన దిగులుపిట్ట..మనసెవరికి పట్టేనట..!? 
ఆత్మీయత చిరునామా..అసలెవరికి అందేనట..!? 

తెగిన గాలి పటాల్లా..ఎవరైనా తెగబడితే.. 
అనురాగపు వీణసాక్షి..చూపెవరికి తెలిసేనట..!? 

మధుమేహపు వేదనంటి..కాఫీయే బతుకుపాట.. 
'చేదు-తీపి' గ్రోలుటలో..పట్టెవరికి చిక్కేనట..!? 

లోపలున్న నటరాజే..అవాక్కగుట జరుగునులే.. 
బంధం విలువది కాచే..గుణమెవరికి ఉండేనట..!?

వింత బొమ్మలాటలోన..అమ్మప్రేమ అడవిపాలు.. 
వెన్నునిమిరి ఓదార్చే..పాలెవరికి పొంగేనట..!? 

కాలాన్నేం నిందిస్తాం..నిలకడయే కడబడితే.. 
కనిపించని దారమేదొ..ముద్దెవరికి వచ్చేనట..!?