దేశంబు తెలుగేను

ప౹౹

దేశ భాషలందు తెలుగు లెస్సన్నారు ఒకనాడు

లేశమైన ఎగ్గులేక లెస్ అని చూపించారు నేడు ౹2౹

చ౹౹

తెలుగదేలయన్న దేశంబు తెలుగని నినదించే

తెలుగు కావ్యాలెన్నో కడు రమ్యంగ ప్రసాదించే ౹2౹

ఆనాటి పాలకులు చూపిన చొరవనూ కనలేరా

ఈనాటి మరగుజ్జు వింత వాదన ఖండించలేరా ౹ప౹

చ౹౹

బ్రిటిష్ నాణేలనూ తెలుగులోను ముద్రించారు

ఇటాలియన్ ఆఫ ది ఈస్ట్ అని ఆనందించారు ౹2౹

శాస్త్రీయ సంగీతమంటేను అందరికీ తెలుగేను

శాస్త్రసమ్మతంగా నలుగురి నోట మరి వెలెగేను ౹ప౹

చ౹౹

అణా కాణి వాదనతో మా భాషనే తొలగిస్తారా

అర్థంకాని పేచిలతో తెలుగునే అవమానిస్తారా ౹2

చచ్చిందా తెలుగు జాతి పౌరుషమే నిలువునా

చచ్చేదాకా పోరాడక గెలుపొచ్చేనా సులువునా

వచ్చేనా తెలుగు భాషకు నెలవు నువే పోరాడక

                         అణవణవునా ౹ప౹