దైవమే దీపంగా వెలుగు

అజ్ఞానమనే చీకటి

అన్ని వైపులా ఉంది

అంతా నాదే అనుకుంటూ

తను శాశ్వతమనుకుంటూ

ఆశా పాశాల మోహంలో

అంతు చిక్కని సమస్యల గమనంలో

హేతు వాదమా

సిద్ధాంతమా

ఏది గొప్ప ఏదో గొప్ప

నాది గొప్ప నాదే గొప్ప

అని మిడిమిడి జ్ఞానంతో

వదరుకునే ఓ మనిషీ

అన్ని జీవరాశుల సృష్టికీ మూలము

ఈ విశ్వంలోని శక్తికి ఆధారమూ

సర్వేశ్వరుడే అని

అహంకారాన్ని వదలి

ఆత్మ సమర్పణ భావంతో

కరుణను నింపుకుని

ధర్మ మార్గమున నడుపమని

వెలిగించు నీవు కార్తీక దీపం

ఆ దైవమే దీపంగా వెలుగు

నిన్ను నువ్వు ఉద్ధరించుకునే మార్గము చూపు

నిజమైన భక్తి నీకు 

విచక్షణ నిబద్దత నేర్పునురా

బహు దూరపు బాటసారి