చిత్రంలో కుంచె..

కళ్ళు వేగంగా కదులుతూ

చేయికి పని చెబుతున్నాయి

తన బొమ్మను తనే చిత్రిస్తూ

ఓ రకమైన ఆత్రుత పడ్డాడు

కనుబొమలు తీర్చి

పలు వరుసను ఏమార్చి

గోడకు చేరగిలబడి 

రంగుల డబ్బాలు కాలికి దూరం జరిపి

ఆశ్చర్యాన్ని కలిగించేలా

తనను తాను గీసుకున్నాడు

పూర్తయిన చిత్రాన్ని చూసాడు

అంత బొమ్మలోనూ

ఒక్కటే కనిపిస్తోంది

చేతిలోని కుంచె

ఆ కుంచె

ఖళాఖండాలను సృష్టిస్తుంది

కన్నీటిని ఆపేస్తుంది

ఎడారిని మాయం చేస్తుంది

అది తన విద్య

తన సొత్తు

ఆ కుంచె అతనిది

అతనిదే..