చిరునవ్వులనెలవంక

చిరునవ్వుల నెలవంకను..అరువు తెచ్చుకోలేవు..!

మనసు కాస్త విసిరేయక..ముద్దు అందుకోలేవు..!

ఏ బంగరు కిరీటాలు..ఎందాకా నీతోటి.. 

పొగడ్తలకు లోబడితే..వెలుగు నంచుకోలేవు..!

వేదాంతపు కోవెలేది..అసలు లేదు గమనించు.. 

నిన్ను-నీవు పట్టకుండ..అంతు తెలుసుకోలేవు..! 

మేలుచేయు గుణముకన్న..బంగారం ఏదోయి.. 

గుణదోషా లెంచుతుంటె..గుట్టు పట్టుకోలేవు..! 

నిదురముంచు కొచ్చినపుడు..అంతకన్న మిఠాయా.. 

ఎఱుకలోన ఉండకుండ..ఏమి నేర్చుకోలేవు..!