బాల్యపు పరిమళం

గణగణ మంటూ వచ్చింది
 రణగొణ ధ్వనులే చేసింది

 పుల్ల ఐసులను తెచ్చింది
 పిల్లలను మురిపించింది

 పిల్లలు పరుగున వచ్చారు
 చల్లని ఐసులు తిన్నారు

 రంగుంగుల ఐసు పుల్లలు
 ఛంగున దూకె చిన్న పిల్లలు

 వాడవాడలో తిరిగే బండి
 చూడండి మన ఐసుబండి

 నవ్వు ముఖాలతో పసివారు
 దివ్వెల వెలుగుతో నిలిచారు

 చిన్ననాటిదీ చిలిపి జ్ఞాపకం
 ఎన్నాళ్ళయినా విస్మరించం

 బడిలో నేర్పిన పాఠాలనేకం
తడి యారనిదా మమకారం

 మదిలో ఉన్నది భోషాణం
ఎదలో గురుతుల బంగారం

 విప్పిచూస్తే వింతగు బాల్యం
 గుప్పుమంటుందా పరిమళం

 మన తరానికది యమృతం
మన పిల్లలకు తెలియదీ స్వర్గం//