అనుకున్నాను

నేను నీ కలల్లోకి రాను అంటుంటే . ,

నీకు కలలు కనే అలవాటు లేదేమో అనుకున్నాను . . .

నీకు నేను నచ్చలేదు అంటే . ,

నీకేదీ అంత త్వరగా నచ్చవనుకున్నాను . . .

నా మీద ఎటువంటి అభిప్రాయం లేదంటే . ,

నా గురించి నీకు ఏమీ తెలియదు కదా అనుకున్నాను . . .

నీకు నేను గుర్తేరాను అంటుంటే . ,

గుర్తుండిపోయేంతలా నేను సాధించింది ఏమీ లేదనుకున్నాను . . .

నేనంటే ఇష్టం లేదంటే . ,

నువ్వే ఇష్టపడేంతగా నాలో ఏమీ లేదనుకున్నాను . . .

నాతో మాట్లాడటం లేదంటే . ,

నువ్వు చాలా ఒత్తిడిలో ఉన్నావేమో అనుకున్నాను . . . .

నా రాతలు నీకు అర్ధం కావడం లేదంటే . ,

తప్పు నాలోనే ఉందనుకున్నాను . . .

నీ మనసులోకి నాకు ప్రవేశం లేదంటే . ,

ఇది ప్రస్తుతానికే కదా ఫరవాలేదులే అనుకున్నాను . . .

నా వల్ల నీకు ఇబ్బందిగా ఉంటుంది అంటే . ,

ఏమో అవునేమో నిజమేనేమో అనుకున్నాను . . .

నన్ను ప్రేమించడం లేదంటే . ,

నా ప్రేమ నీకు అర్ధం కాలేదనుకున్నాను . . .

నీ జీవితంలో ప్రేమకి చోటు లేదంటే . ,

అందరు అమ్మాయిలు చెప్పే మాటే కదా అనుకున్నాను . . .

కానీ. . . ,

పేరులోనే రాయి ఉంది . ,

మనసు అలానే ఊంటుందని ఊహించలేకపోయాను . . .

ఎన్ని రోజులైనా  . . , ఎన్ని నెలలు గడిచినా . . , ఎన్ని సంవత్సరాలు మారినా . . .

మనసైతే కరుగుతుంది కానీ . , రాయి కరగదని గ్రహించలేకపోయాను . . . గ్రహించలేకపోయాను ...

రాతిని పూజించే దేశంలో . . ,

రాతిని మనిషి ప్రేమించడం తప్పేమీ కాదు . . , తప్పేమీ కాదు ...