అంతరమెరుగనిఅంతర్వాహిని

అమెరికా ఉద్యోగం పొందిన

అంతరిక్ష యానం చేసొచ్చిన

పురుషాహంకారానికి తలవంచే

ఆడపిల్ల ఆడపిల్లే

ప్రతిభను నిరూపించుకున్న

నైపుణ్యం ప్రదర్శించిన

గుర్తింపు నంగీకరించని సభ్యసమాజంలో

ఆడపిల్ల ఆడపిల్లే

త్యాగాలు ఎన్ని చేసిన

ప్రాణాలే త్యజించిన

సహనానికి సవాలుగా నిలిచిన

ఆడపిల్ల ఆడపిల్లే

రక్తపుటేరులు పారించినా

రుధిర భాష్పాలే రాల్చినా

రుధిర జ్వాలల్లో రగులుతూనే వున్న

ఆడపిల్ల ఆడపిల్లే

యుక్తితో ముసలుకుంటున్న

సమర్థతతో సర్దుకుపో పోతున్న

అహం చావని పురుషాధిక్యత లో

ఆడపిల్ల ఆడపిల్లే

వేధింపులకు గురి చేసినా

వివక్షతలో ముంచేసి నా

ఆడ మనసులు అర్థం కాని వ్యవస్థలో

ఆడపిల్ల ఆడపిల్లే

కాలాలెన్ని గడిచిన 

యుగాలెన్ని నడచిన

సృష్టికి ప్రతి సృష్టి చేసిన

ఆడపిల్ల ఆడపిల్లే

తరాలు మారినా 

అంతరాలెరుగని 

అంతర్వాహిని మహిళ

ఆడ మనసును అర్పణ చేసి

నిత్యాగ్నిహోత్రంలా రగులుతూనే

నిత్య సూర్యోదయంలా వెలిగే

జీవన వాహిని మహిళ