అంత ఆశెందుకే మనసా

ఏదో అయిపోవాలని

ఇంకా అనుకున్నది సాధించలేదని

ఎంత ఉస్సూరుమంటావ్

పోనీలే

ఈసారికి ఇలా కానిచ్చేద్దాం అనుకోరాదూ

అసూయా గట్రా పడకు

కథలు ఎలాగూ పడతావ్

ఈ యవ్వారాలన్నీ చేస్కుంటా కింద పడద్దు

అయినా ఎందుకు అంత ఆశ నీకు

ఆశపడ్డం అంటే ఆశా చాక్లెట్ కొనుక్కు తినడం అనుకున్నావా

కష్టపడాలి

సూరీడు రాకముందే లేవాలి

సందురుణ్ణి సూడకండా పని చెయ్యాలి

మరి నచ్చత్రాలో

నా మనసు ఆగలేదు

ఆకాశం గుర్రుమంటూ చూసింది

నచ్చత్రాలు అన్నీ మూటగట్టి తీస్కబోతా అన్నావ్ కదా

అదేగా నీ ఆశ

మర్చిపోయావా మొద్దూ..