అనంత ప్రయాణం...

నడక నేర్చిన అడుగులకి దారులు కొత్తవు కావు,
రాలే ఆకులకే తెలుసు వసంతం మళ్ళీ చిగురిస్తుందని!

కాలం నేర్పే పాఠానికి తరగతి గదులు ఉండవు,
గాయ పడిన ప్రతీ చోటే ఒక కొత్త నేర్పు దాగే ఉంటుంది.

నీడను చూసి భయపడితే వెలుగుకి అర్థం దక్కదు,
సముద్రాన్ని దాటాలంటే అలల హోరుకు వెరవకూడదు.

సిరా చుక్క లాంటి ప్రతి క్షణం నీ కథలో పేజీయే,
నెగ్గినా, తగ్గినా రాసే ప్రతి అక్షరం నీదే సంతకమవ్వాలి!

గమ్యం కంటే సాగే ప్రయాణంలోనే ఉంది అసలైన నింగి,
నీ ఆత్మవిశ్వాసమే నీ ముంగిట నిలిచే కొత్త పొద్దుపొడుపు!