ఆత్మగౌరవం సంతకం

అడగలేదు మేము ఉచితాల పసిడి వర్షం,
మా కోరికల్లా... మా స్వేదానికి దక్కే గౌరవం!

భిక్ష వేసే చేతుల వెనుక దాగిన మాయ కన్నా,
శ్రమించే చేతుల్లోనే ఉందయ్యా అసలైన తేజస్సు!

మట్టిని పిసికి అన్నం పెట్టే రైతు చేతిలో
ఈ దేశానికే ప్రాణం పోసే పరమార్థం ఉందీ,
ఇటుకపై ఇటుక పేర్చి గోడలు కట్టే కార్మికుడిలో
అభివృద్ధికి బాటలు వేసే నిశ్శబ్ద త్యాగం ఉందీ!

ఉచితాల ముసుగులో ఆత్మగౌరవాన్ని తుంచకండి,
మా కష్టానికి తగిన న్యాయమైన వెల ఇవ్వండి!

దయాదాక్షిణ్యాల తాత్కాలిక వెలుగులు మాకొద్దు,
సమున్నత భవిష్యత్తుకు నిజమైన దారి చూపండి!

పనిచేసే ప్రతీ చేతికి ఉద్యోగ భద్రతనిచ్చి,
స్వేద చుక్కకు సమాజంలో తగిన గుర్తింపునిచ్చి,
శ్రమజీవులను దేశ పునాదులుగా గౌరవిస్తే...
అప్పుడే వికసిస్తుంది స్వేచ్ఛా భారతం