మనిషి

మనిషి నీ జీవితం నీ చేతుల్లోనే ఉన్నది
నీ ఆలోచనలే రేపటి నీ తలరాతలు అవుతాయి
నీవు బలంగా కోరుకున్నదే నీ దారిలో చేరుతుంది
అది మంచైనా చెడైనా నీ ఆలోచనే నీ ప్రపంచం అవుతుంది

చెమట చుక్కలు చిందిస్తే నీ శ్రమే నీ బలమవుతుంది
నీ అడుగులు పరుగులు పెడతాయి, నీ గమ్యానికి చేరువ చేస్తాయి
నీ మనసుకు హద్దులు ఉండవు, నీ కలలకు అడ్డులు ఉండవు
నమ్మకంతో ముందుకు సాగితే నీ జీవితంలో వెలుగు నిండుతుంది
మనిషి నీ జీవితం నీ చేతుల్లోనే ఉన్నది
నీ ఆలోచనలే రేపటి నీ తలరాతలు అవుతాయి

నీవు అనుకుంటే కవి కాగలవు
గట్టిగా అనుకుంటే ఏదైనా సాధించగలవు
కళాకారుడు, వైద్యుడు, నాయకుడు... ఏ లక్ష్యమైనా నీ సొంతం చేసుకోగలవు
నీ ప్రయత్నమే నీ మార్గం, నీ పట్టుదలే నీ ఆయుధం
నీపై నీకు నమ్మకం ఉంటే ప్రపంచమే నీకు తోడవుతుంది
మనిషి నీ జీవితం నీ చేతుల్లోనే ఉన్నది
నీ ఆలోచనలే రేపటి నీ తలరాతలు అవుతాయి

అనుకుంటే ధనవంతుడవు, వద్దనుకుంటే వెనుకబడతావు
ఏమనుకుంటే అదే నీవు కదా
నీ ఆలోచనే నీ రూపం కదా
కలలు కను ఆకాశమంతా, లక్ష్యం పెట్టు శిఖరమంతా
ఎంత దూరమైనా సాగిపో, నీ అడుగులే దారిని సృష్టిస్తాయి
చేత కాదు అని ఆగిపోతే, నీ శక్తి నీలోనే మిగిలిపోతుంది
ఏదైనా చేయగలను అనుకుంటే, నిన్ను మించిన ధీరుడు ఉండడు
నీ ఆలోచనలే నీ బలం, నీ ధైర్యమే నీ విజయం
పరుగెత్తు పరుగెత్తు ఆగకుండా పరుగెత్తు
నీ గమ్యమే నీ అసలైన గుర్తింపు
మనిషి నీ జీవితం నీ చేతుల్లోనే ఉన్నది
నీ ఆలోచనలే రేపటి నీ తలరాతలు అవుతాయి