అంజలి

ప౹౹

హృదయమా దరిచేరనీయవా ఆ దరహాసం

మహోదయం కలగనీ చేసి ప్రేమ సహవాసం |2|

చ||

వెన్నెల వెలుగూ ఎదురై పిలిచి ఎదనే కలుపు

ఉన్న ఆశలు ఊహలే పెంచి తలచే ఆ వలపు |2|

కోరికే కొత్తగమొలిచి మదిని ముంచేమత్తులో తామసమేల తను సిద్దమే వలపునే హత్తుకో |ప|

చ||

కలవరింతలేల మనసులో ఎందుకు కలతలు పలవరింతలతో నిలువరించగలేని అలతలు |2|

ఎక్కడో కురిసిన మేఘమే ఇక్కడే చిగుర్చగా

ఎన్నాళ్ళీ ఎదురు చూపులు ఎడదనే చేర్చగా |ప|

చ||

చూపుల్లో కురిసే ఎలమికి అర్పించు అంజలి

మాపుల్లో విరిసే విరహానికి చూపించు జాలి |2|

కనిపించని స్వర్గమే కబురే చేసే ప్రణయానికి

కాసింత తీరిక చేసి ఒప్పించు పరిణయానికి |ప|