అమ్మ ఋణం
అమ్మ ఋణం
నేను కణముగా ఉన్నప్పుడే ప్రాణంగా చూసుకుంది
తన మాయ లో నన్ను పదిల పరచుకుంది
ఉమ్మనీటి తోటి నే రక్షణ కవచంగా మార్చింది
నా రూపం చూడకుండానే నన్ను ఇష్టపడింది
నా మనసు తెలియకుండానే నన్ను ప్రేమించింది
అడగకముందే నా ఆకలి దప్పికలు తీర్చింది
అపురూపమైన గాజుబొమ్మలా నన్ను కాపాడుకుంది
తన ప్రేమ అభిమాన అనురాగాల లో ఉక్కిరిబిక్కిరై
తన రుణం తీర్చుకోవడానికి ప్రయాసతో బయటికి
వచ్చిన నాకు తన ప్రేమామృత సుధను చను పాలు గా అందించింది
ప్రతిఫలాపేక్ష లేని ప్రేమను అందించిన నా తల్లి ఋణం ఎలా తీర్చుకోను....
విశ్వప్రేమను అక్షరాలుగా కూర్చి ఇవ్వడం తప్ప.....