ఐ లవ్ యూ

నాలోనే దాగిన స్వార్థ ప్రలోభ ప్రేతాత్మా

నా నుండి నన్ను లాక్కున్న భూతమా

మంత్రమేసి మాయచేసిన మార్జాలమా

పుర్రెలో గుజ్జునే పీక్కుతినెడి పిశాచమా!

నా ఆలోచల్ని ఆత్మలకిచ్చి ఆడుకోమని

నాదేహం పరులకై ప్రేతాత్మగా మారమని

మట్టిలో కలిసి పిండమై కాకినే తినమని

నన్నే మార్చిన నువ్వే ప్రియదెయ్యమని!

నా ఆత్మవే అయినా నిన్ను ఆలింగనమిడి

అసలుసిసలు అందవికారివైనా నే ముద్దిడి

ఆత్మలో ఆత్మనై ఆత్మల నడుమ అడుగిడి

ఎలుగెత్తి అరుస్తా అంతరాత్మా ఐ లవ్ యూ!