திரைப்படம்

வெற்றி ஒரு முன்னணி நடிகன்.அவனுடைய கால்ஷீட் வேண்டி நிறைய முன் பதிவுகள் உண்டு.அவன் இந்த துறைக்கு வந்ததே பெரிய கதை.ஆரம்பத்தில் அவன் ஒரு டிரைவர்.பட்டம் படித்து சரியான வேலை கிடைக்காத போது பகுதி நேர வேலையாக டிரைவர் வேலை பார்த்து வந்தான்.

ஒரு வெளிப்புற படப்பிடிப்புக்கு போன போது அந்த காட்சியில் நடிக்க வேண்டிய கதாநாயகன் விமானம் வர தாமதம் ஆனதால் வந்து சேர முடியவில்லை.

அந்த காட்சி சூரியன் மறையும் நேரத்தில் எடுக்க வேண்டும்.அதற்கு வேண்டி நிறைய ஏற்பாடுகள் செய்தாகி விட்டது.ஒரு நாள் தள்ளி போனால் அந்த காட்சியை எடுக்க முடியாது சூரியன் மறைய நிலா வெளியில் வரும்,இரண்டும் ஒரு சேர நடக்க வேண்டும்.அது அன்று தான் சரியாக நடக்கும் என்று கணக்கிட்டு ஷூட்டிங் ஏற்பாடு செய்ய,வர வேண்டிய கதாநாயகன் வரவில்லை.

மாலை நேர சிற்றுண்டி வெற்றி தான் வாங்கி வந்து இருந்தான்.எல்லோரும் சாப்பிட்டு விட்டு ஷூட்டிங் தயார் ஆகி கொண்டு இருந்தார்கள்.அவனும் கொண்டு வந்த பொருள்களை ஹோட்டலில் திருப்பி ஒப்படைக்க கணக்கு பார்த்து சாமான்களை காரில் ஏற்றி கொண்டு இருந்தான்.

அப்போது ஒரு லைட் பாய் ஓடி வந்து உங்களை டைரக்டர் கூப்பிடுகிறார் மிக அவசரம் என்றான்.அவனும் அவர் அருகில் போக,கதாநாயகன் போட வேண்டிய உடைகளை இவனுக்கு மாட்டி கேமரா மேன் பல கோணங்களில் பார்த்து டைரக்டர் யைப் பார்த்து சார் இவன் ok என்றார்.அன்று அந்த பிரபல கதாநாயகன் நடிக்க வேண்டிய காட்சியில் இவன் நடிக்க அது பிரபலம் ஆகி விட்டது.

அடுத்த படத்திற்கு அந்த பெரிய நடிகர் நடிக்க கால்ஷீட் கொடுக்க முடியாமல் போக அந்த வேடத்திற்கு வெற்றியை நடிக்க வைத்தார் அந்த டைரக்டர்.

அந்த படம் பாக்ஸ் ஆபிஸ் ஹிட்

அது முதல் இவன் தான் பிரபல நடிகன். கால் ஷீட் கொடுக்க முடியாமல் போன நடிகர் அதோடு இந்த துறையை விட்டே வெளியில் போய் விட்டார்.அதற்கு பிறகு அவர் நடித்த படங்கள் தோல்வி அடைய,அவர் விலகி கொண்டார்.

டிரைவர் இன்று பத்து டிரைவர் களுக்கு சம்பளம் கொடுக்கிறார்.அந்த அளவு பிஸி.

ஆனால் எப்போதும் அவன் மண்டையில் ஒன்று நினைவில் இருந்து கொண்டே இருக்கும்.அதாவது ஷூட்டிங் நடக்கும் இடத்தில் இரண்டு மணி நேரத்திற்கு முன்பு அங்கு இருப்பதை வழக்கம் ஆக்கி கொண்டான்.இனி ஒரு டிரைவருக்கு சந்தர்ப்பம் கொடுக்க கூடாது என்பதில் உறுதியாக இருந்தான்.

முற்றும்..