ஹீரோ

எனக்கு ஒரு ஹீரோ ஆக வேண்டும் என்று ஆசை.ஹீரோ என்றால் என்ன தைரியம், வீரம், வெற்றி பெறும் ஆர்வம் உள்ளவன்.

எதில் வீரன் ஆக வேண்டும் என்று நிச்சயமாக தெரியவில்லை. ஒவ்வொருவரும் ஒவ்வொரு செயலில் ஹீரோ ஆக இருந்தார்கள்.

புதுமையாக ஏதாவது செய்து பெயர் வாங்க வேண்டும்.வீர தீர செயல்கள் பலரும் செய்து முடித்து விட்டார்கள்.

இராணுவத்தில்,காவல் துறையில்,போன்ற பல துறைகளில் பல சாதனைகள் புரிந்து ஹீரோ ஆகி விட்டார்கள்.

அவர்களின் புகழ் நிலைத்து நிற்க வில்லை.சில வருடங்களுக்கு பிறகு அதே சாதனையை வேறு ஒருவர் செய்யும் போது ஏற்கனவே நிகழ்த்திய சாதனை காணாமல் போய் விடுகிறது.

என்னுடைய சாதனை அப்படி இருக்க கூடாது.அது பல பேரை சென்று அடைய வேண்டும்.என்னுடைய செயலால் பலரும் பயன் அடைய வேண்டும் என்பது தான் என் எண்ணம்.

வீரதீர செயல்கள் புரிந்து பெருமை தேடி கொள்ள எனக்கு உடலில் பலம் இல்லை.சொல்ல போனால் நான் ஒரு மாற்று திறனாளி.என்னால் என்ன சாதனை புரிய முடியும் என்று ஆவலாக நீங்கள் காத்து இருப்பது எனக்கு தெரியும்.

அதற்கான நேரம் வர வேண்டும் அல்லவா.இன்னும் என்னுடைய படிப்பு முடியவில்லை.

படிப்பை முடித்து விட்டு வேலைக்கு செல்ல வேண்டும்.என்னுடைய சில கனவுகள் நனவாக வேண்டும்.படித்து கொண்டு இருக்கும் போது தான் தானம் செய்வது எப்படி என்று தெரிந்து கொண்டேன். மாற்று திறனாளி ஆன நான் என்ன தானம் செய்திட முடியும்.

அப்போது தான் தெரிந்தது கொண்டேன்,ஆண்டவன் மனிதனுக்கு சில உறுப்புகளை தவிர தேவைக்கு அதிகமாக கொடுத்து இருக்கிறார்.ஒரு சிறு நீரகம் தானம் கொடுக்க முடியும்.கல்லீரலில் சிறிது வெட்டி எடுத்து இனி ஒருவருக்கு கொடுக்க முடியும்.மூளை சாவு ஏற்பட்டால்,உடலில் உள்ள அத்தனை உறுப்புகளையும் தானம் செய்ய முடியுமாம்.

அன்றே தீர்மானித்து விட்டேன்.தானம் கொடுத்து ஒரு ஹீரோ ஆக வேண்டும் என்று.ஆமாம் எனக்கு இதயத்தில் ஒரு துளை,அது என்னை நீண்ட நாள் வாழ விடாது என்று தெரிந்ததும்,ஒவ்வொரு உறுப்பாக தானம் கொடுக்க தொடங்கினேன்.

என் உயிர் பிரியும் போது,என் உடலையும் மருத்துவ கல்லூரிக்கு தானமாக கொடுக்க சம்மதித்து பிரணாம பத்திரம் எழுதி கொடுத்தேன்.

இன்று என் உயிர் பிறந்த பிறகு,இன்னும் என் பெயர் என் உடல் மீது இருந்து கொண்டு தான் இருக்கிறது.என் கண்கள் பார்த்து கொண்டு இருக்கிறது.என் இதயம் துடித்து கொண்டு இருக்கிறது.கல்லீரல் அதன் பணியை தொடர்ந்து கொண்டு இருக்கிறது.என் தோல் இன்னும் உணர்ச்சியுடன் இருந்து கொண்டு இருக்கிறது.என் உடல் பல பேர் பார்த்து படித்து கொண்டு தான் இருக்கிறார்கள்.

இப்போது சொல்லுங்கள் நான் ஹீரோ வா இல்லையா….