சிகரெட்

ராஜு ஒரு குறும்புக்கார பையன்.எட்டாவது படிக்கிறான்.யாராவது வித்தியாசமாக செய்தால் அதை செய்து பார்க்க வேண்டும் என்று நினைப்பான்.

பக்கத்து வீட்டு மாமா எப்போதும் சிகரெட் குடிப்பார்.ஒரு நாளைக்கு அந்த சிகரெட்டை தானும் குடித்து பார்க்க வேண்டும் என்று நினைத்தான்.ஆனால் சிகரெட்டுக்கு எங்கே போவது.பக்கத்து வீட்டு மாமாவுக்குகுழந்

தைகள் கிடையாது.

முன்னாடி வாசலில் ஒரு சேரில் அமர்ந்து கொண்டு தான் சிகரெட் பிடிப்பார்.

பக்கத்தில் ஒரு மர ஸ்டூலில் எப்போதும் சிகரெட்டை பெட்டியும் தீ பெட்டியும் வைத்து இருப்பார்.காலை நேரம் குளிக்க உள்ளே சென்றால்,ஒரு மணி நேரம் பொறுத்து தான் வருவார்.குளித்து,காலை உணவருந்தி விட்டு வெளியில் வர அவ்வளவு நேரம் ஆகும்.

அந்த நேரத்தில் அங்கு சென்றால் சிகரெட் எடுத்து வரலாம்.காரணம் இல்லாமல் அங்கு செல்ல முடியாது.

அதற்கு வேண்டி,விளையாடி கொண்டு இருந்த பந்தை அந்த பக்கம் வீசி விட்டு,அதை எடுக்க செல்வது போல சென்று,யாரும் கவனிக்கவில்லை என்று உறுதி செய்து கொண்டு ஒரு சிகரெட் மட்டும் எடுத்து டவுசர் பாக்கட்டில் வைத்து கொண்டு வந்து விட்டான்.

இதை எங்கு பாதுகாப்பது,இதுக்கு தீ பெட்டி எங்கு தேடுவது என்று குழப்பம்.

தீபாவளிக்கு வாங்கின மத்தாப்பு பெட்டியை தேடி பிடித்து எடுத்து கொண்டு,மொட்டை மாடிக்கு சென்றான்.வீட்டில் மொட்டை மாடிக்கு யாரும் போக மாட்டார்கள்.

மீண்டும் ஒரு பொய்யை சொல்லி விட்டு மொட்டை மாடி சென்று,கைப்பிடி சுவர் மறைவில் உட்கார்ந்து சிகரெட் பற்ற வைத்து குப் குப்பென்று புகை வாய் வழி வர,ஒரு சிறு மேக கூட்டம் போல காட்சி அளித்தது.

அப்போது தீடீரென்று, பக்கத் தில் இனி ஒரு வீட்டில் இருந்து மாமி ராஜுவின் அம்மா பெயரை சொல்லி அழைத்து மாடியில் தீ பற்றி இருக்கு ஓடி வாங்க என்று சத்தம் போட,மேலே வந்த அம்மாவிடம் ராஜு வசமாக மாட்டிக்கொண்டான்.

முற்றும்.