விவசாய நிலத்தின் மழை

வான் வெளியில் மின்னலுடன் இடி முழங்கும் புயல் காற்று!

கன மழையாய் இந்த விவசாய நிலத்தில் பொழியும் நீரூற்று!

மிகச் சிறிய உணவுகளையும் மிகச்சிறிய எறும்புகள் சேமிக்கும்!

மேடான இடத்தினிலே எறும்புக் கூட்டம் தமது இருப்பிடத்தினை அமைக்கும்!

தவளைகளும் சிறு பூச்சிகளும் கத்தி ஆர்ப்பரிக்கும்!

விவசாய நிலத்தில் ஒளிந்திருக்கும் நண்டுகளும் பாதுகாப்பான் இடத்தினைத் தேடிப் பயணிக்கும்!

இனிமையான தென்றல் காற்று சமரசமாக வீசிடும்!

ஆகாயத்தினைப் பார்த்து வளரும் நெற்பயிர்கள் ஆனந்தமாக அசைந்து நடனமாடிக் கனமழையினை வரவேற்கும்!

வடகிழக்கு மற்றும் தென்மேற்குப் பருவ காலங்களிலும் உயிரினங்களின் வாழ்க்கைச் சூழ் நிலையினை சமன் செய்யவும் மக்களின் பசிப் பிணியினைப் போக்கிடவும் ஒவ்வொரு ஆண்டும் மழை பொழியும்!

அழகிய வண்ண மயில் தனது நீளமான தோகையினை விரித்து அழகுடனே நடனமாடும்!

விவசாயிகள் விளை நிலத்தில் உழுது விதைத்த விதைகள் யாவும் முளைத்துப் பசுமையுடனே காட்சியளிக்கும்!

இந்த உலகம் போற்றும் இயற்கையின் கொடையாக இந்த மழை நமது மனதிலே நிலைத்திடும்!