அண்ணாச்சி கடை

அம்மா கொடுத்துவிடும்

மஞ்ச பையிலிருந்தும் 5 ரூபாயிலிருந்தும்

ஆரம்பிக்கும் அண்ணாச்சி கடை அறிமுகம்

அம்மாவின் நம்பிக்கையுடன்🛍

என்ன கேட்டாலும் இல்லை என்று சொல்லாத அண்ணாச்சி கடை அது

அந்த தெருவில் என்ன காரியம் நடந்தாலும்

அண்ணாச்சி காதில் வந்து விழுந்துவிடும்🏠

மணப்பாட திறனும் மேம்படும்

அம்மா சொல்லி அனுப்பும் 

பொருட்கள் மூலம்😊

ஆனால் அத்தனையும் தோற்றுப்போய்விடும்

"என்ன வேணும்?" என்று கேட்கும் அண்ணாச்சியின் அதட்டலில்😇

எப்படியோ தோற்றுப்போனதை எல்லாம்

தேற்றிக்கொண்டு அண்ணாச்சியிடம்

கேட்டுப் பெற்றுக் கொண்ட பின்

கொஞ்சம் இனாமாக கிடைக்கும் 

கருவேப்பிலை கொத்தமல்லிக்கு வீட்டில் கிடைக்கும் பாராட்டு அடடா!!😄

பாராட்டு கிடைத்தாலும் மறந்தபோன 

பொருளுக்கு குடுகுடுனு ஓடி போய் 

வாங்கிய பின்பு, மீதி காசுக்கு என்ன வாங்கலாம் என்று கண்கள் அலைபாயும்🤔

அலைபாய்ந்த கண்கள் 

கொண்டு வந்து சேர்க்கும்

தேனில் ஊறிய தேன்மிட்டாய்

டப்புனு உடையும் எல்லுருண்டை

கடுக்கு முடுக்குனு இருக்கும் முறுக்கு

கலர் கலர் டப்பாவில் இருக்கும் சீரக மிட்டாய்

1 ரூபா போலோ

2 ரூபா பைட்ஸ்

அடித்து முடித்த கண்கள் 

ஒன்றில் வந்து நிலைக்கும்😋

நிலைத்த ஒன்றை தேர்வு செய்து

எப்ப சாப்பிடலாம் 

எப்படி சாப்பிடலாம்

எங்க உட்கார்ந்து சாப்பிடலாம் 

என்று யோசித்தவாரே வீடு வந்தடைவோம்😋

சரியாக காகிதத்தை பிரிக்கும் பொழுது

உடன் பிறந்தவள் பங்குக்கு வருவாள்

"தர மாட்டேன் போ" என்று சண்டைப்போட்டாலும் அவள் பங்கை சரியாக வாங்கிக்கொண்டு சாதித்ததை போல் சிரித்து கொண்டு செல்வாள்💃

அவள் சிரிக்க வேண்டும் என்பதற்காகவே 

சண்டை போடுவோம்🤗

ஒரு அண்ணாச்சி கடை நம் வாழ்வில் அவ்ளோ சுவாரசியத்தை சேர்க்கும்....