தொலைபேசி

தொலைபேசியாக இருக்கையில்

அத்தியாவசியமாக இருந்தாயே ....

கைபேசியாக சுருங்கியதும் நீயே

தொல்லைபேசியாகவே மாறினாயே !

தொலைபேசியாக உறவுகளை இணைத்தாய் -

அண்டை அயலாரையும் நட்புறவாக்கினாய் !

நீயும் உருவில் சுருங்கினாலும் சுருங்கினாய் -

ஒவ்வொருவரையுமே தனித்தீவில் தான்

சஞ்சரிக்கச் செய்தாய் !

இவை மட்டுமா?

கைபேசியின் அலைவீச்சு

அது மனிதனின்

உடல் மற்றும் உள்ள நலனுக்குமே தான்

வலை வீசுதே !

அறிவியல் மனித நலனுக்காக மட்டுமே இருக்கட்டுமே !

அளவோடே பயன்படுத்துவோம் !

வளமோடு வாழ்ந்திடுவோம் !