முதலாம் வகுப்பு ஆசிரியர்

பட்டாம்பூச்சி சிறகடிக்க

பள்ளிக்கூடம் நான் சென்றேன்

பாரெல்லாம் சொந்தமென

பட்டாம்பூச்சி நினைக்க

பள்ளிப்பாடம் இனிமையென

என்மனம் நினைக்க

பள்ளிக்கூடம் நான் சென்றேன்

அ எழுத அழுது நின்றேன்

ஆள்காட்டி விரலை மடக்கி

எழுத வைத்தார் ஆசிரியர்

அன்றைக்குத்தான் நான் நினைத்தேன்

அடுத்த அம்மா இவரென்று

அன்போடு அறிவையும் கற்றேன்

அளவில்லா பண்பையும் கற்றேன்

ஊர்போற்ற நானும் உயர்ந்தேன்_என்னை

வளர்த்த பள்ளிக்குச் சென்றேன்

மாறி இருந்தது அனைத்தும்_ஏனோ இன்னும் மாறவில்லை_என் ஆசிரியரின் இருக்கை மட்டும்!