நன்றி நவில்வோம்

நன்றி நவில்வோம் -

இயற்கைக்கு நாம்

நன்றி நவில்வோம் !

மனித வாழ்வின் ஆதாரம்

நீர் நிலம் காற்று

ஆகாயம் சூரிய வெப்பம்

ஐம்பூதங்கள் அனைத்திற்கும்

நன்றி நவில்வோம்!

புதுப் பானையில்

புத்தரிசிப் பொங்கலிட்டு

மங்கள மஞ்சளும்

தித்திக்கும் கரும்புமே கொண்டு

இயற்கைக்கு நன்றி நவில்வோம் !

உழவுக்கும் தொழிலுக்கும்

துணை நிற்கும் மாடுகளை

சீராட்டி மகிழ்வோம் !

இயற்கை தரும்

உன்னத வாழ்விற்கே

உளமார நன்றி நவில்வோம் -

இந்த பொங்கல் நன்னாளிலே !